• Müsəlman
  • Jurnalistlərin
  • Səsi

ABŞ Konqresindən Xocalı ilə bağlı - Bəyanat

ABŞ Konqresində Texas ştatını təmsil edən respublikaçı üzv Pit Olson Xocalı soyqırımının 28-ci ildönümü ilə bağlı bəyanatla çıxış etdi.

Azərbaycanın ABŞ-dakı səfirliyindən verilən məlumata görə, bəyanatda 1992-ci iln 26 fevralında Xocalıda faciəvi şəkildə həyatını itimiş 600-dən çox Azərbaycanlının xatirəsi yad olunmuş, o dəhşətli gündə 613 Azərbaycanlının Ermənistan və MDB qüvvələri tərəfindən vəhşicəsinə qətlə yetirildiyi, günahsız qadın, uşaq və yaşlıların 22 saat ərzində qəddarcasına öldürüldüyü əks edilmişdir.

Konqres üzvü 28 ildir bu dəhşətli acı ilə qovrulan və sağalmağa çalışan Azərbaycanın uğurlu bir dövlət olmaq üçün ciddi səylə işlədiyini qeyd edərək Azərbaycanın hazırda ABŞ-ın, eləcə də gərgin geosiyasi regionda yerləşən İsrailin etibarlı dostu və ticarət tərəfdaşı olduğunu vurğuladı.

Sonda P.Olson dünyada yeri olmayan belə hücum və qəddarlığı pisləyərək ABŞ-ın belə anlarda müttəfiqləri və dostlarının yanında olmasının vacibliyini diqqətə çatdırdı və Xocalıda həyatını itirmiş Azərbaycanlı dostların xatirəsini bir daha ehtiramla andı.