• Müsəlman
  • Jurnalistlərin
  • Səsi

Özbəkistanda Əbdürrəhim bəy Haqverdiyevin 150 illiyi ilə bağlı tədbirlər keçiriləcək

Özbəkistandakı Heydər Əliyev adına Azərbaycan Mədəniyyət Mərkəzinin (AMM) təşəbbüsü ilə Daşkənddə “Əbdürrəhim bəy Haqverdiyevin Azərbaycan dramaturgiyasında, klassik hekayə və faciə janrının inkişafında rolu” adlı dəyirmi masa keçiriləcək.

 Azərbaycan Prezidenti İlham Əliyevin görkəmli dramaturq, nasir, publisist, teatr təşkilatçısı, tanınmış ictimai xadim Əbdürrəhim bəy Haqverdiyevin 150 illik yubileyinin qeyd edilməsi haqqında müvafiq Sərəncamı ilə əlaqədar AMM il ərzində bir sıra tədbirlərin keçirilməsini planlaşdırır.

AMM “Qarabağ: Azərbaycan mədəniyyətinin beşiyi” adlı mədəniyyət layihəsi çərçivəsində keçiriləcək tədbirlərdə, habelə “Azərbaycanın Qarabağ diyarı - Özbəkistan rəssamlarının gözü ilə” adlı rəsm müsabiqəsində tanınmış Qarabağ ədiblərinə, xüsusən Əbdürrəhim bəy Haqverdiyevə və ədibin yaradıcılığına geniş yer verəcək.