• Müsəlman
  • Jurnalistlərin
  • Səsi

Biznes üçün təlim və məsləhət xidmətləri Xaçmaz KOB İnkişaf Mərkəzində

Kiçik və Orta Biznesin İnkişafı Agentliyi (KOBİA) Quba-Xaçmaz iqtisadi rayonunda fəaliyyət göstərən mikro, kiçik və orta sahibkarları (KOB) və biznesə başlamaq istəyənləri KOB İnkişaf Mərkəzinin xidmətlərindən yararlanmağa dəvət edir.

 Xaçmaz KOB Evində fəaliyyət göstərən KOB İnkişaf Mərkəzində innovativ sahibkarlığa, startaplara və ailə biznesinə dəstək, qadınlar, əlillər və gənclər arasında sahibkarlığın təşviqi, KOB-ların maarifləndirilməsi, təlimlərin, seminarların və təcrübə proqramlarının təşkili üzrə xidmətlər təqdim olunur.

2020-ci ildə KOB İnkişaf Mərkəzi tərəfindən Quba-Xaçmaz iqtisadi rayonunda KOB subyektləri üçün 150-dən çox təlim və netvorkinq, müxtəlif məsləhət xidmətin göstərilməsi, yeni KOB subyektlərinin yaradılması nəzərdə tutulur.

Qeyd edək ki, bu il Bakıda və ölkə regionlarında daha 3 KOB İnkişaf Mərkəzinin yaradılması planlaşdırılır.