• Müsəlman
  • Jurnalistlərin
  • Səsi

İmişlidə 10 tondan çox barama istehsalı nəzərdə tutulur

İmişlidə baramaçılığın əvvəlki şöhrətinin qaytarılması istiqamətində mühüm tədbirlər həyata keçirilir. Ötən il 9 tondan çox barama istehsal edən rayon kümçüləri cari ildə məhsul istehsalını daha da artırmaq üçün indidən hazırlıq işlərinə başlamışlar.

 İmişlidə baramaçılığın inkişafına xüsusi diqqət yetirilir. Son 4 ildə ayrı-ayrı yaşayış məntəqələrində 88 min tut tingi əkilir, həmçinin ipəkqurdu bəslənməsi üçün yeni tikililər inşa olunaraq ipəkçilərin ixtiyarına verilir və digər işlər görülür. Ötən il rayonda 120 ailə ilə müqavilə bağlanaraq onlara ödənişsiz ipəkqurdu toxumu paylanılmış və 9 min 434 kiloqram məhsul istehsal olunmuşdur. Baramadan yaxşı qazanc götürən kümçülər cari ildə məhsul istehsalını daha da artırmağı nəzərdə tutmuşdular və hazırda bu istiqamətdə işlər görülür. Barama bəsləmək istəyən kümçülərin indidən qeydiyyatı aparılır və onlarla mütəmadi görüşlər keçirilir. Bu isə kümçülərin sayının getdikcə artmasına səbəb olur. Artıq rayonda ipəkqrudu bəsləmək istəyən 188–dən çox ailə qeydə alınmışdır.

Qeyd edək ki, aprel ayından başlayaraq barama istehsal etmək istəyən ailələrə ipəkqurdu toxumunun paylanmasına başlanılacaq.